阿來泰式地道風味

营业中

休息中

听朋友讲，阿来泰式系香港最好味抵食嘅泰国餐厅。今日就决定试吓阿来泰式，睇吓朋友有冇讲大话！墙身餐牌有英文同泰文，非常地道。我哋总共叫咗五个菜式，首先系冬阴公汤。虽然叫咗细份量，但我同女友都各饮咗两细碗，配料亦非常充足，虾都有三大只，汤底甜甜地唔会太辣，啱晒我呢种钟意食泰国菜但唔食得辣嘅人。今次系我第一次食泰式肉碎生菜包，清爽既生菜平衡返肉碎嘅咸味。肉碎份量好多，如果叫饭，捞埋一齐食实好正。椒盐软壳蟹系我食泰国菜多数会叫嘅菜式，一上菜已经闻到好香嘅椒盐味，食落唔会满口油，下过食唔到有太多肉，有啲可惜。泰式小食拼盘有四款「炸4」小食: 炸鸡翼炸虾饼炸鱼饼炸春卷。每一样都非常香脆，我非常钟意春卷入面嘅馅料有粉丝，口感更加丰富。鸡翼牛油味非常香，整体十分不错。Suki炒粉丝嘅粉丝吸晒啲辣汁，食落虽然好辣非常过瘾。旁边亦有通菜，炒蛋，卖相麻麻，但味道搭救。五道菜加埋两杯饮品都系每人$250左右。每一道菜嘅份量非常大，我朋友果然冇介绍错，的确系香港抵食嘅泰国餐厅。