阿來泰式地道風味 (已結業)

收工肚餓行過見唔錯就入去食， 餐廳入面好光猛似茶餐廳格局，服務正常，上菜好快，食物分量多，炒類做得幾好，今次二人叫左三樣，超級飽，每人平均$100 。串燒沙爹(半打) $78豬肉雞肉各三串，沙嗲醬汁香又濃，好惹味，而花生同椰香味就相對較少。 豬頸肉炒通菜 $68分量多，豬頸肉都有好多，成碟菜炒得好有鑊氣，炒通菜炒得岩岩好，食落仲係索索聲，豬頸肉味道夠，唔會太咸，但油就多左少少。 泰式炒金邊粉 $54呢碟分量都多，蝦好彈口爽口，金邊粉炒得幾好，無一餅野咁，夠鬆散，而味道酸味唔會好勁，偏向甜味。