阿來泰式地道風味 (已結業)

收工肚饿行过见唔错就入去食， 餐厅入面好光猛似茶餐厅格局，服务正常，上菜好快，食物分量多，炒类做得几好，今次二人叫左三样，超级饱，每人平均$100 。串烧沙爹(半打) $78猪肉鸡肉各三串，沙嗲酱汁香又浓，好惹味，而花生同椰香味就相对较少。 猪颈肉炒通菜 $68分量多，猪颈肉都有好多，成碟菜炒得好有镬气，炒通菜炒得岩岩好，食落仲系索索声，猪颈肉味道够，唔会太咸，但油就多左少少。 泰式炒金边粉 $54呢碟分量都多，虾好弹口爽口，金边粉炒得几好，无一饼野咁，够松散，而味道酸味唔会好劲，偏向甜味。