皇后泰國廚房 (已結業)

啱啱个weekend约左朋友一齐去尖沙咀，食个lunch再去行下。我地都心血来潮想食泰国嘢，就嚟咗皇后泰国厨房，佢个lunch menu 都几抵，98蚊有汤，小食，主食同埋甜品。不过其实咁多嘢我地食唔晒所以冇嗌，但系大食嘅人绝对可以考虑下。我地一人叫一个主食，虾酱炒饭同pad thai。虾酱炒饭好够味，而且好多𩠌可以一齐食，钟意辣既可以连埋多啲辣椒一齐食。腊肠好香，又甜又有少少咸𩠌饭一流。Pad Thai 系每次食泰国嘢都一定会叫既。呢度既Pad Thai好正宗，份量又够大，加埋青柠汁食好开胃。泰式奶茶系本人至爱，好香浓既泰式茶味，唔会太甜，好好饮好解渴。泰式柠檬茶有啲青宁，同样解渴又消暑。