泰Grill (天晉匯)

近排天气冻最啱就系食泰国菜，呢日放假喺将军澳天晋汇食lunch，又食个泰菜chill下。除咗室内座位外，餐厅亦设户外座位，感觉都几写意。午餐都几优惠，价钱由75至$138不等，包冬阴功汤或青木瓜沙律，主菜及饮品，亦可加钱选购小食及甜品。蛋包虎虾炒金边粉套餐（$138）- 卖相好靓，仲有两只大大件嘅炸虎虾。金边粉炒得好香，热辣辣，香口惹味。泰式海南鸡套餐（$75） - 鸡好嫩滑，油饭嘅份量十足，奉泰式酱汁上。海南鸡配埋油饭同酱料一齐食，味道几好。炸虾饼（+$38）- 虾饼炸得香脆，肉质弹牙。热辣辣，点埋酸甜酱食，好开胃嘅小食。椰汁糕（+$18）- 椰汁糕充满椰香，份量亦相当多，味道不错。饮品点咗泰式咖啡（+$5）同泰式柠檬绿茶（+$15），钟意佢嘅饮品唔会太甜，好有泰式风味。餐厅亦都做好多外卖单，上菜速度好快，店员服务亦十分殷勤。