湄南.河泰式船麵 (已結業)

好耐冇去过荃湾，今晚专登约朋友去荃湾行街兼晚饭。泰国菜一向都系我至爱之选，见到有间起千色店2楼- 湄南.河泰式船面好似都几吸引 就入去试下。见到餐牌好多选择，而家主餐仲做紧优惠价全日款款都系50蚊咋，追加小食及饮品都只系加多12蚊，非常抵食。清新青木瓜沙律酸甜中带微辣，非常醒胃船面一定要试，叫左个湄南大船面好多料，有美国牛肉片、泰式牛丸、猪肉丸、鱼蛋、扎肉、鸭血、萝卜，汤底够晒浓香鲜甜。金边粉幼滑。泰国特色小色拼盘有炸虾饼、鱼饼、炸鸡枣、春卷炸虾饼外面脆口，里面虾肉弹牙。鱼饼香料味十足，够惹味。炸鸡枣同样香脆可口。串串沙爹鸡肉（半打）鸡肉嫩滑多汁点埋沙爹酱食好好味最后饮埋柸青柠梳打，够晒清新，好满足