泰邊爐 (已結業)

今日朋友约食饭，搅搅新意思，打个泰式边炉。我心谂，乜边炉都有分泰唔泰式o架咩？哈哈，原来真系有，仲要系火锅任食。呢间火锅店一入去就好有泰国风情，泰国大象，用深蓝色主调既装潢都好有气氛。黎得当然要食佢个海鲜餐啦，亦叫咗佢主打嘅冬阴公汤底。等上菜同时我都出去拎番唔同嘅酱料，款式好多亦都有一啲系泰式嘅酱料，咁我都要试下啦！啲野好快就到，一上菜就闻到好香既冬阴公味道，亦都有好多款嘅海鲜已经放系枱面，最吸引嘅就系有鲍鱼同埋带子，果然一试就知系新鲜货，鲜甜肉厚，蚝同青口都一样鲜甜。不过美中不足就系虾同鱼喇，佢地就稍微唔够新鲜，可能放耐咗啦。食过海鲜，当然要试下肉类，主打嘅安格斯牛肉果然无失望，够肉味，肥瘦舒中，不过羊肉就有膻味，可能我唔太好羊肉啦。仲有就系菜篮都唔错，可以系海鲜肉类中间拎返个平衡。加上出面可以拎嘅炸鱼皮真系好松化，我同朋友唔觉唔觉都番食咗两次。其实食晒个餐都已经劲饱，已经叫唔到第二round, 加上佢酒水任饮，仲要有好多泰式甜品任食，真系饱到不得了。总括黎讲，呢个价钱真系好抵食，我下次要留力再战。