泰潮 (嘉咸街) (已結業)

系中上环食平嘢食系唔容易，但系今日食嘅呢间真系非常抵食。系中环或者上环地铁站行过去都好快到，好就脚！！见到有好多外卖单，伙计做唔停手，就知佢真系好食啦！晚市二人餐冬阴功汤 非常重料呀，有四五只虾，加几粒肉丸，仲有好多秀珍菇。店员仲会帮手分汤，贴心到爆。酸辣凤爪泰菜嘅经典前菜，好开胃，一定要拣！蒜蓉炒杂菜有椰菜，芥兰，红萝卜，木耳，粟米荀，色彩缤纷又好味海南鸡 鸡油饭食海南鸡点可以唔配油饭，鸡肉嫩滑，鸡皮爽口，一啲都唔肥。炸虾饼及春卷虾饼好好味，系手打虾肉嘅感觉，正呀！！咖哩牛筋腩呢个咖哩嘅椰味浓厚，牛肉好多，送饭一流！椰汁糕最后食埋甜品，完美！