阿來泰式地道風味 (已結業)

有位朋友住系长沙湾，佢叫我哋一定要嚟阿来泰式地道风味食下最地道既泰国菜。 今日就一于黎试下！入到门口见到已经净番几个位，好彩唔使等位。 餐厅入面只有好多抵食嘅餐，非常抵食， 所以我哋就嗌咗个二人餐。 里面有咖哩炒蚬，海南鸡饭同埋飞天通菜。钟意食蚬既朋友，泰皇咖哩炒蚬系一个非常好选择。分量方面非常之咁大碟！啲蚬又大只又鲜甜，两个人完全够食，仲会好满足。而咖哩方面呢味道好浓同埋唔会好辣，岩岩好，捞饭真系好惹味！呢度嘅海南鸡真系非常好，可以大啖大啖咁品尝滑滑既鸡肉，弹牙之如又有好爽滑既鸡皮保留得到，配合埋海南鸡酱汁，再加埋个鸡油饭， 简直系锦上添花，十分满足。飞天通菜望落好普通但系千祈唔好畀佢卖相呃到，连平时唔食菜既我都争住要食，蒜味非常香，辣味惹味，融合得非常好，一试难忘！之后我哋嗌咗个三色椰汁冰，椰汁冰解辣一流，椰汁味重，另外会有啲配料，配料都非常好食、好q弹。最后，我同我个朋友都非常满足，食得好开心，值得推介！