雞少去骨海南雞

营业中

休息中

鸡少去骨海南鸡 • 北角喺北角揾到呢一间性价比极高嘅马来西亚菜餐厅，主打海南鸡，不过仍有好多其他选择。个人感觉餐厅嘅食物价钱算几抵，亦有细细份嘅小食，啱晒一个人去惊食唔晒，而且又想试唔同小食嘅人。😆✅ 招牌海南鸡饭+细碗肉骨茶 🐔 $90鸡肉符合标准咁嫩滑，斩件部位有齐鸡胸鸡髀同鸡翼，鸡皮带少少弹性，肉香味浓，呢个套餐亦都加一碗肉骨茶，主要饮得出系当归味，但药材味唔系特别浓，反而因为加入香菇、鸡脚等其他材料，味道比较特别😙✅ 炭烧猪颈肉饭 🐷 $63猪颈肉肉食落口非常嫩滑，火候掌握得几好，附送酸酸辣辣嘅泰式酸辣汁，蘸酱食又开胃，又惹味。饭叫咗油饭，饭粒分明有油香，亦有淡淡香料味道，唔错👍🏼✅ 泰式无骨凤爪(半份) 🐔 $22凤爪够爽脆够酸够辣，啖啖满足感爆棚😗✅ 吉列凤尾虾(3只) 🦐 $22估唔到马来西亚菜都有炸虾，虾身软糯，外面炸得金黄酥脆，唔错嘅小食推介。