スーパー丼 (駱克道) (已結業)

喺九龙呢边食抵食嘅刺身饭， 大胜丼同鉄火堂系必然首选，港岛区呢，就会去Superdon。三间嘅共通点系款式多，价钱实惠，所以好受欢迎，想帮衬就要早啲去排队。叫咗两个丼，平啲嘅三色海鲜丼有油甘鱼，吞拿鱼同三文鱼刺身各两片，贵啲嘅海之幸丼就丰富好多，有北寄贝，北海道帆立贝，甜虾，蟹子同松叶蟹肉。以呢个价钱嚟讲，两个丼质素绝对合格有余，刺身算新鲜亦算大块，日本米粒粒饱满，黏度同酸度刚好。味噌汤则有惊喜，味道浓淡得宜之外，汤入面仲有海带同油扬，一啲都唔马虎。再叫多客日式饺子，呢个就普普通通啦。