影片
更多
2019-02-13
265 浏览
成栋创兴广场都系餐厅，食饭时间预左要排长龙搭䢂。平日7点半黎到，差唔多满座，所以最好订位。座位都几阔落，张枱够晒大放火锅料。我地食每位$268象拔蚌海鲜餐，可以拣特选汤底：川芎天麻大鱼头锅 或 马来喇沙大头虾锅，因为屋企人唔系个个食辣，就拣左大鱼头锅，都几足料，药材味重，感觉养生，我唔识食鱼云，不过屋企人就食得好滋味！套餐主打系象拔蚌，最岩一蚌两食，蚌身做刺身，脆嫩又鲜味，至于蚌胆就渌熟再切细件，一样鲜味浓郁。海鲜拼盘仲有几款海鲜，样样都好新鲜又干净，份量适中，每款食一件已觉得好丰富。鲍鱼已经洗净内脏同埋一开三方便进食；其中有款大蚌好好食，大只厚肉但又唔会韧。另外仲有蚝，螺，扇贝，斑片。火锅配料方面以下几款比较推介。因为打边炉手口都唔得闲，所以冇一一影相～-丸类选择好多，芝士丸海胆丸系好食不过开始厌厌地，芝士双响丸就未食过，形状似一对孖润肠，其实都系芝士馅，不过打孖上，几过瘾可以一试。-鸡子够晒大粒饱满，加分👍🏻-各款牛肉质素都唔错，特别系安格斯牛小排，肉味浓，油脂适中。-其他火锅店好少有大鱼头供应，阿妈都话街市买鱼头唔平，难得呢度可以任食！-牛⻣髓滑嘟嘟吸汤汁一流，如果配合较浓味既汤
平日7点半黎到，差唔多满座，所以最好订位。座位都几阔落，张枱够晒大放火锅料。
我地食每位$268象拔蚌海鲜餐，可以拣特选汤底：川芎天麻大鱼头锅 或 马来喇沙大头虾锅，因为屋企人唔系个个食辣，就拣左大鱼头锅，都几足料，药材味重，感觉养生，我唔识食鱼云，不过屋企人就食得好滋味！
套餐主打系象拔蚌，最岩一蚌两食，蚌身做刺身，脆嫩又鲜味，至于蚌胆就渌熟再切细件，一样鲜味浓郁。
海鲜拼盘仲有几款海鲜，样样都好新鲜又干净，份量适中，每款食一件已觉得好丰富。鲍鱼已经洗净内脏同埋一开三方便进食；其中有款大蚌好好食，大只厚肉但又唔会韧。另外仲有蚝，螺，扇贝，斑片。
火锅配料方面以下几款比较推介。因为打边炉手口都唔得闲，所以冇一一影相～
-丸类选择好多，芝士丸海胆丸系好食不过开始厌厌地，芝士双响丸就未食过，形状似一对孖润肠，其实都系芝士馅，不过打孖上，几过瘾可以一试。
-鸡子够晒大粒饱满，加分👍🏻
-各款牛肉质素都唔错，特别系安格斯牛小排，肉味浓，油脂适中。
-其他火锅店好少有大鱼头供应，阿妈都话街市买鱼头唔平，难得呢度可以任食！
-牛⻣髓滑嘟嘟吸汤汁一流，如果配合较浓味既汤底应该好正。
-墨鱼滑新鲜弹牙！
不过要弹既系鸭血淡而无味，有d失望。
罐装饮品，雪糕雪条当然都系任饮任食。我最钟意雪米糍，不过只得云呢拿味。
任食2.5hrs，有海鲜拼盘，加上环境同服务都ok, $300有找算系抵食！
张贴
