影片
更多
2017-10-05
256 浏览
喺香港要揾到主打「任食」、「放题」嘅食肆一啲都唔难，但要揾到任食、抵食又好食嘅就唔容易。有时都钟意同屋企人去打边炉，贪佢够多款，菜肉选择各适其适，满足到「食肉兽」同埋钟意食素嘅朋友。 今次屋企人出去觅食，揾到一间任饮任食火锅嘅酒楼，见到门口广告写著送刺身拼盘、安格斯A4牛肉一碟、环球海鲜拼盘据(6-8款)、无酒精饮品任饮、精美雪糕，骤眼睇好似都好丰富咁。入到去已经见到大大个雪柜摆咗好多饮品，有好多新潮嘅韩国Lotte饮品，如果要传统啲嘅杨协成又有，啱晒唔同年龄层 火锅汤底有成8款拣，以任食火锅黎讲，可以拣嘅款式都真系算多，见到有啲都几特别，好似日式三文鱼头窝、番茄浓汤猪骨窝，不过我哋都系钟意传统鸳鸯锅。始终系任食免费送锅底，所以沙爹味都唔系好浓，沟得多水，如果浓番一啲就好啦。 汤底上咗之后，好快就送上海鲜拼盘。数数海鲜数量，真系有成8款，有大只蛏子、贵妃蚌、花甲等等，最惊喜系连鲍鱼都有，海鲜望落去都好新鲜。轻轻灼下就熟，食落无一样嘢系有沙，贝壳类嘅都好鲜甜，肉身好弹牙，一个字「正」! 鲍鱼嘅内脏都已经清理埋，所以食落都好方便。除咗蚬壳，仲每人有一旧鱼块，喺大鱼切出黎，超级厚肉，但系都唔
今次屋企人出去觅食，揾到一间任饮任食火锅嘅酒楼，见到门口广告写著送刺身拼盘、安格斯A4牛肉一碟、环球海鲜拼盘据(6-8款)、无酒精饮品任饮、精美雪糕，骤眼睇好似都好丰富咁。入到去已经见到大大个雪柜摆咗好多饮品，有好多新潮嘅韩国Lotte饮品，如果要传统啲嘅杨协成又有，啱晒唔同年龄层
火锅汤底有成8款拣，以任食火锅黎讲，可以拣嘅款式都真系算多，见到有啲都几特别，好似日式三文鱼头窝、番茄浓汤猪骨窝，不过我哋都系钟意传统鸳鸯锅。始终系任食免费送锅底，所以沙爹味都唔系好浓，沟得多水，如果浓番一啲就好啦。
汤底上咗之后，好快就送上海鲜拼盘。数数海鲜数量，真系有成8款，有大只蛏子、贵妃蚌、花甲等等，最惊喜系连鲍鱼都有，海鲜望落去都好新鲜。轻轻灼下就熟，食落无一样嘢系有沙，贝壳类嘅都好鲜甜，肉身好弹牙，一个字「正」! 鲍鱼嘅内脏都已经清理埋，所以食落都好方便。除咗蚬壳，仲每人有一旧鱼块，喺大鱼切出黎，超级厚肉，但系都唔鞋口，有鱼嘅鲜味。依盘海鲜喺街市执番一样嘅料，一啲都唔平。
食火锅送刺身，刺身又系用个大冰盘送上黎，摆盘好有心思，用萝卜雕个塔出黎，加埋木枝摆设，都几吸睛。刺身大件，三文鱼、吞拿鱼厚切，三文鱼脂肪几肥美，象拔蚌爽口好鲜甜，虾刺身唔算好甜但系肉质OK，计落成7款刺身，整体都算唔错，用佢黎做开胃菜都几好。
火锅配料我哋叫咗海虾，见到已经觉得好吸引，虾身够长，灼完即食好新鲜，虾味十足，肉又够爽口，之后都再encore多次，食多几轮海虾都回到吓本。
上埋个送嘅安格斯牛肉，斋睇份量都吓亲，二人份量送上一大盘。牛肉厚度都有成2-3MM，唔会好似普通肥牛咁薄，比较有咬口，牛肉味都几浓，不过带少许膻味。
叫埋火锅必食嘅炸鱼皮同埋响铃，睇得出两款都系自制，鱼皮唔系会好似比时包装好𠮶D咁咸，味道清一啲，仲好脆身，送上黎仲暖，令我好奇系咪即叫即炸。响铃唔似平时见到𠮶啲卷得咁靓，松身少少，应该系自己将腐皮卷起再炸，唔系好脆，灼之后过有少少韧。
食左咁多肉最后食埋啲菜就够皮，菜类放晒喺张大枱俾你自己拣，基本款式都有，特别推介芋头，轻轻炸过，里面好稔身，钟意食粉粉哋质感嘅就啱晒。
最后梗系拣多个雪糕做甜品，雀巢雪糕五种口味任拣，免费嘅都有雪糕任食都算系咁。
虽然$198加一感觉定价高左啲，但系食到咁多款唔同食物，仲要有火锅少见嘅海鲜，都算抵食。坐嘅环境又够舒服，枱同枱之间唔会好迫，任食2.5小时都系唔错嘅选择。
张贴
