潮福蒸氣石鍋 (已結業)

蒸气火锅，全部蒸到刚刚好，先系最鲜味。呢度蒸气火锅，除左指定海鲜，肥牛虾丸及其他所有既火锅配料，全部任食，仲有啤酒蔗水任饮，三百几的确几抵。选了淮山瑶柱粥底，预先放米，气锅自然涌出蒸气同水，慢慢煲。任食餐包每人半只烧乳鸽，食物未ready时可顶住肚先。上台热辣辣，脆皮，几好味。蚬拼盘，都几多，每人有蚬同东风螺7至8只。好鲜甜，自然海水味浓，完全唔驶酱料。蒸龙虾，鲜味桶蚝系我至爱，平时一向又惊唔熟，又惊太熟好韧，而家计晒时，刚刚好，yummy !北寄贝，平时好少食新鲜既，估唔到都几大只几爽口鲜甜。加埋蒜蓉，得蒜蓉粉丝蒸带子，大只开左双飞牛肉，可任叫，有牛味，又唔太肥。似系牛小排切出嚟的。虾丸都系任食栏中推介既，爽口!最重点另类推介，蔗糖马拉糕，又松软，又香，要encore!最后的才是最精彩，一定要留返空位食粥，粥底好绵，又有晒海鲜肥牛既鲜味，食左两碗整体都唔错，任饮又任食，有专人serve,食足4个钟，系朋友gathering既好选择。