漁樂鍋 (已結業)

新年同屋企人出街食饭嘅机会真系直线上升，唔想次次食中菜，打边炉都系唔错嘅选择。今次同屋企人手拣咗呢个海鲜火锅套餐，包左两盘餐前小食、七款海鲜、五款火锅配料、三款蔬菜配料加粥底，仲有甜品添呀，超级抵食！枱上面嘅宣传纸就仲好贴心，写晒个款海鲜要滚几耐，啱晒我呢啲惊食到唔熟野食嘅人。两款餐前小食，可以一路食一路等火锅滚。七款海鲜包括咗大虾、蟹、鱼、鲍鱼、象拔蚌、沙白同蚬。大虾好新鲜，成日想跳出嚟；蟹虽然唔系好多膏，但肉质都几鲜甜；鱼片薄切，唔会好多鱼骨，食落都好方便；鲍鱼系估唔到嘅大，爽口弹牙；贝壳类我都超欣赏，完全冇沙，好新鲜！另外，呢度嘅手打墨鱼丸都值得一试，墨鱼丸好弹牙，入边有唔少墨鱼丸粒粒，食落好有好感！爸爸就钟意云吞，话块皮唔会好厚粉，鲜虾同鲜肉做嘅馅料都唔错。等食晒火锅嘅配料之后，就可以叫店员帮手整粥底，粥底陪埋三种蔬菜配料，芋头粒、萝卜粒同粟米。啲粥吸晒之前海鲜火锅嘅鲜味，好鲜甜，仲可以根据个人喜好加酸菜榨菜等等嘅配料。谂住买单嘅时候，店员仲上埋红豆沙甜品，食到超饱真系好抵食！