影片
更多
2016-03-29
767 浏览
上年去完铜锣湾Mini Club后对佢既生蚝念念不忘，今日趁住长假期前夕同2个朋友黎尖沙咀分店到一齐食饭饮几倾计。Mini Club位于山林道，佐敦站行过去都系5分钟左右。呢度嘅环境都几清静，唔会太嘈，倾计真系一流。店内装修非常特别，有少少英伦风格，墙边都挂左唔少英国景点既挂画。真系几欣赏佢地用ipad 黎做menu，可能系因为环境比较暗睇纸餐牌比较难啦，如果可以好似某著名寿司店咁用埋黎落order就好啦。我地一行3人，叫左2杯饮品，4只生蚝，一个海鲜拼盘，一个海之幸福摩天轮，同埋一份三味炸鸡，份量刚刚好，唯一美中不足既系D食物黎得太快，张台摆唔晒咁多野食，食起上黎有D逼。Strawberry Me (Rum, Tequila Rose, Milk, Strawberry Puree): 呢杯cocktail饮得又睇得，酒精成份唔高，入口有D似Smoothie，绵绵地，饮落有清香既士多啤梨味。Garnish方面用左威化饼，百力枝同埋朱古力，再用左一支针筒黎装住D红糖水，想落几多可以自己加，钟意几甜就几甜。What The Duck: (Rum, Midori melon, lychee
Mini Club位于山林道，佐敦站行过去都系5分钟左右。呢度嘅环境都几清静，唔会太嘈，倾计真系一流。店内装修非常特别，有少少英伦风格，墙边都挂左唔少英国景点既挂画。
真系几欣赏佢地用ipad 黎做menu，可能系因为环境比较暗睇纸餐牌比较难啦，如果可以好似某著名寿司店咁用埋黎落order就好啦。我地一行3人，叫左2杯饮品，4只生蚝，一个海鲜拼盘，一个海之幸福摩天轮，同埋一份三味炸鸡，份量刚刚好，唯一美中不足既系D食物黎得太快，张台摆唔晒咁多野食，食起上黎有D逼。
Strawberry Me (Rum, Tequila Rose, Milk, Strawberry Puree): 呢杯cocktail饮得又睇得，酒精成份唔高，入口有D似Smoothie，绵绵地，饮落有清香既士多啤梨味。Garnish方面用左威化饼，百力枝同埋朱古力，再用左一支针筒黎装住D红糖水，想落几多可以自己加，钟意几甜就几甜。
What The Duck: (Rum, Midori melon, lychee, pineapple juice, Grenadine): 坐低时见到隔黎台饮紧呢杯好得意既饮品，搅到自己都贪得意叫黎饮下，呢款cocktail卖相别出心裁，非常吸引，佢系以一只可爱鸭仔浸系浴缸到冲凉既造型，成份有 Rum 、蜜瓜酒再加上荔枝、菠萝汁及红糖水制作，酒精浓度中中等等，饮落有好香甜既荔枝同菠萝味，饮既时候仲可以随意将旁边粉红色既爆炸糖加入饮品中，令到饮品有D 酸酸地既味道，口感更过瘾又特别。
系等候食物时可以食住花生饮住野倾住计等，感觉唔错。
生蚝(4只): 生蚝有多款选择，Gillardeau同Fine de Claire 系我惯常既选择。Gillardeau蚝味比较浓，入口后初头先尝到阵阵鲜甜，跟住就食到海水味，咸度唔算重，肉质方面厚而弹性，食落肥美，口感爽脆鲜甜。至于Fine de Claire既海水味偏浓，海水咸味充满口腔。
海鲜拼盘: 海鲜拼盘好大盘，入面海鲜种类都非常之丰富同新鲜，有熟龙虾(半只)，睡蟹(半只)，蓝青口(3只)，加拿大翡翠螺(2只)，法国翡翠螺(2只)，鲍鱼(2只)，钻石蚬 (3只)，玫瑰虾(2只)，龙虾多肉，蟹身唔多肉但多膏，蟹钳鲜甜多汁，整体黎讲D海鲜都无咩雪藏味，唔错。
海之幸福摩天轮:之前系openrice都见到有blogger食过呢个幸福摩天轮，觉得好可爱，所以都叫左个黎试下。呢个摩天轮卖相真是好别致突出，佢总共有5卡，每卡都盛载唔同既食物，亦都会因应每卡既重量而转动，最重果卡系最底，好得意。摩天轮上面大部分都系炸物，分别有炸百花蟹钳、炸墨鱼饼、炸天妇罗、炸鱿鱼须、炸泰式鱼饼同埋少许沙律菜。炸物热辣辣又香脆，本人最钟意食既系炸鱼饼，炸浆够薄身，咬下脆中带些爽口，用来送酒真是不错，只不过系比较热气同无益啫。
三味炸鸡: 除左摩天轮之外我地仲叫左另一款特色小吃，三味炸鸡。点解叫三味炸鸡? 我相信系因为旁边放著三支针筒形状既物体，睇真D原来是酱汁，分别系蛋黄酱、茄汁同埋他他酱，用黎点鸡真系几夹。
薯条炸得好脆，鸡件亦都炸得刚刚好，有好多肉汁，如果可以加少少调味粉咁就真系完美啦！
张贴
