影片
更多
2023-01-17
935 浏览
放假去长洲嚟个快闪游，都有好几年无入过嚟，梗系要四围逛下，顺便去埋张保仔洞同爱情锁墙打下卡。行到又攰又肚饿，提议去食海鲜餐医肚。拣咗北社海旁路呢间「新潮发」，地点好方便，离码头只系几分钟路程，吹著海风，望住个海景食饭，又的确几 Chill。我哋点咗个三𩠌海鲜餐，原来价钱好经济，只系二百零蚊，仲送汤羹同生菜一碟，真系非常抵食。碗粟米蛋花羹味道唔错，入口清清甜甜，好有住家 feel。几款海鲜接著送上。蒜蓉蒸扇贝热辣辣，上桌时还传出阵阵蒜香味，煞是吸引！几只扇贝嘅 Size 虽然唔算话系好大粒，但食落爽弹鲜嫩，加上索尽元贝汁嘅粉丝同微辛带甜嘅蒜蓉，简直系绝配，令味道更升华。另外呢碟蒜蓉蒸开边虾亦睇头十足，虾只份量不少，面头撒满了蒜蓉、粉丝和葱花，卖相美观。虾肉鲜爽清甜，火喉同时间都掌握得啱啱好，粉丝吸收晒虾汁精华，十分惹味！豉汁蒸白鳝 (+$30)，白鳝晶莹剔透，肥美够实净，肉质弹牙，食落无腥味。豉油同豆豉嘅份量亦拿捏得十分准绳，入口味道唔会过咸，用嚟送饭一流。最后上台嘅生菜亦好有惊喜，虽然系送嘅，但一啲都唔马虎，大大碟，非常新鲜，脆嫩清甜，爽口味美！
行到又攰又肚饿，提议去食海鲜餐医肚。拣咗北社海旁路呢间「新潮发」，地点好方便，离码头只系几分钟路程，吹著海风，望住个海景食饭，又的确几 Chill。
我哋点咗个三𩠌海鲜餐，原来价钱好经济，只系二百零蚊，仲送汤羹同生菜一碟，真系非常抵食。
碗粟米蛋花羹味道唔错，入口清清甜甜，好有住家 feel。几款海鲜接著送上。
蒜蓉蒸扇贝热辣辣，上桌时还传出阵阵蒜香味，煞是吸引！几只扇贝嘅 Size 虽然唔算话系好大粒，但食落爽弹鲜嫩，加上索尽元贝汁嘅粉丝同微辛带甜嘅蒜蓉，简直系绝配，令味道更升华。
另外呢碟蒜蓉蒸开边虾亦睇头十足，虾只份量不少，面头撒满了蒜蓉、粉丝和葱花，卖相美观。虾肉鲜爽清甜，火喉同时间都掌握得啱啱好，粉丝吸收晒虾汁精华，十分惹味！
豉汁蒸白鳝 (+$30)，白鳝晶莹剔透，肥美够实净，肉质弹牙，食落无腥味。豉油同豆豉嘅份量亦拿捏得十分准绳，入口味道唔会过咸，用嚟送饭一流。
最后上台嘅生菜亦好有惊喜，虽然系送嘅，但一啲都唔马虎，大大碟，非常新鲜，脆嫩清甜，爽口味美！
张贴
