囍慶酒家

营业中

休息中

呢间大围喜庆系屋村内，喺大围火车站，搭小巴大约十分钟到就到。由于平时搞开婚宴，装修好新净。位置亦好宽敞。我同屋企人一共2个人黎到食。见到佢出咗个八度鲜味套餐，二人份量，而且又有好多海鲜所以就叫左呢个餐试下。上菜上得好快，首先嚟嘅系油盐水浸花甲同皇子乳鸽。乳鸽嘅色泽好靓，啱啱炸起所以零舍香脆。油盐水浸花甲配有粉丝，花甲好新鲜。跟住嚟就系金银蛋菜，同埋上汤开边龙虾，足足有一只龙虾，开左边，配伊面，龙虾够晒大只，肉质亦非常爽身伊面吸收咗龙虾鲜味。椒盐虾好入味，虾好新鲜只。清蒸海上鲜好大条，够鲜味。净系食鱼都够晒饱。纽西兰圣子王同鲜鲍鱼亦有水准，好新鲜。总括而言，𩠌菜又够晒大碟，海鲜新鲜三个人食都足够。