豐衣粥食

营业中

休息中

呕左两晚...(食得太多啦)，真系咩都无胃口，今日一定要食返d清淡d既野，妈咪就叫我黎呢度食啦。佢话呢度几多选择，又有粥或者粉清淡D啱哂我。由于我地好肚饿，所以两个人都叫左几多野食。叫左一个套餐，系蚝豉鱼片咸肉粥配贡丸汤面。个汤面系伊面黎架，佢唔会好淋，少少弹牙，口感OK。个汤非常清淡，真系一D味精都无，啱哂病人，不过其他人就应该会觉得无咩味。不过佢D贡丸好好食呀!!! 真材实料，唔会得D粉，有好多冬菇，非常好食。蚝豉鱼片咸肉粥呢个几好食呀，虽然都有DD味精架啦，不过佢D料都好鲜味，蚝豉味好出，咸肉都好正，鱼片够薄不过有少少腥。之后仲有个柱侯蝴蝶腩饭，饭既份量唔少，我地食唔哂拎左D走。原来蝴蝶腩即系爽腩，佢一D都唔UN，好淋WOR，而且好浓味，D柱侯酱入哂味，D汁要黎送饭好好食。我地仲叫左个生菜鱼肉汤，几多胡椒味，D鱼肉一D都唔腥，冻冰冰黎饮啱哂，可以驱寒呀! 我地仲要左碟油菜添。我地叫食左咁多野都只系 $56，真系好抵食，而且味道真系唔错，大家可以黎一试呀。