影片
更多
2012-12-01
23 浏览
星期六下午，揾埋家姐同爸爸妈妈出动去正在减价既百货公司行下，差唔多成2点先到，揾地方食左个lunch先. 见到金饍，之前响旺角店食过好多次，lunch set都几ok，所以就试下呢间。原来，康怡店下午一点半后入座，全单有八拆㖞！正！我地四个人，唔想食太多肉，所以只叫左两个烤肉饭，再加个人参竹丝鸡。不过，本身个餐有前菜，所以都好足够架！每个餐都奉送三款前菜，当然唔少得泡菜啦！仲有大豆牙菜同菜，样样都好好味，清清地，好开胃！而泡菜个味应该改良左，就番香港人既口味，唔系太辣，老人家都接受到！至于人参竹丝鸡，因为平时食lunch时间好赶，冇机会试，今次可以有时间慢慢食，就叫左比爸爸妈妈试下。材料都算几足，成只乌鸡，里面有糯米，仲有细细条既人参添！不过，我个人就唔系太钟意个味道，略为苦！可能呢D就系参味啦！我同家姐就主力食烤肉饭，两种烤肉都系铁板上，热腾腾！而且份量都几多，好似食唔完咁！我相信烤肉唔系新鲜肉，但经过处理同烧烤，加上洋葱同烧汁，味道非常野味，而且肉质都几滑。空口食就略咸，好彩个餐有跟白饭，一齐食就刚刚好！好快就成碗饭食晒啦！不过，食完就见到铁板上仲有好多油，都系少食多滋味啦！整体而
我地四个人，唔想食太多肉，所以只叫左两个烤肉饭，再加个人参竹丝鸡。不过，本身个餐有前菜，所以都好足够架！
每个餐都奉送三款前菜，当然唔少得泡菜啦！仲有大豆牙菜同菜，样样都好好味，清清地，好开胃！而泡菜个味应该改良左，就番香港人既口味，唔系太辣，老人家都接受到！
至于人参竹丝鸡，因为平时食lunch时间好赶，冇机会试，今次可以有时间慢慢食，就叫左比爸爸妈妈试下。材料都算几足，成只乌鸡，里面有糯米，仲有细细条既人参添！不过，我个人就唔系太钟意个味道，略为苦！可能呢D就系参味啦！
我同家姐就主力食烤肉饭，两种烤肉都系铁板上，热腾腾！而且份量都几多，好似食唔完咁！我相信烤肉唔系新鲜肉，但经过处理同烧烤，加上洋葱同烧汁，味道非常野味，而且肉质都几滑。空口食就略咸，好彩个餐有跟白饭，一齐食就刚刚好！好快就成碗饭食晒啦！不过，食完就见到铁板上仲有好多油，都系少食多滋味啦！整体而言，呢餐港式韩国餐都不过不失啦！八折左每人都唔驶50蚊，仲想点呀！而且，仲左两张200蚊coupons，一个月内帮衬满600蚊就可以用一张‧
题外话/补充资料：
康怡店下午一点半后入座，全单有八拆。
(以上食记乃用户个人意见 , 并不代表OpenRice之观点。)
张贴
