豐鍋雞煲 (荔枝角道) (已結業)

平时好钟意食鸡煲，所以放工经过见到有麻辣鸡煲就去试吓。叫咗个二人餐，有半只鸡、肥牛同猪腩片、水饺同墨鱼丸、响铃、杂菜同乌冬，仲配两罐汽水。同行朋友唔食得辣，于是叫咗唔辣既鸡煲，点知又几好食㖞。虽然走咗辣，但带有少少麻味，而且个汁好入味。好好彩甘有好多鸡腿肉，好滑。切到大大件都好入味，而且仲好有咬口添。肥牛大大片，肥瘦分明，仲好嫩滑。猪腩片唔会肥，两样都好新鲜。水饺皮薄馅多，至爱韭菜馅。墨鱼丸好弹牙，冇雪藏味。杂菜煲有生菜、白菜、菜芯、油麦菜，总有一款啱你心水。响铃就乌冬系扁身个种，好滑，又弹牙。劲大件，好满足。我就升级咗特饮，拣咗水蜜桃梳打同蓝蝶雪梨，唔会好甜，好解渴。