Yay! 尋香雞 (已結業)

朋友介绍九龙城开左间新店有丼饭同大阪烧好抵食，所以今日都专登过来买外卖试吓。店舖主打外卖坐位不多，以黄白色做主调行简约风格，感觉非常美观舒适。Menu除左丼、大阪烧，仲有关西炒面同日式蛋盖饭，都系$50～$60，价钱非常亲民！我哋叫左一个丼饭一个大阪烧，质素味道都唔错，以咁平嘅价钱有咁嘅质素绝对系超出预期！蟹肉蟹膏饭 $60整个丼饭都铺满左蟹柳肉😍，下面有一层厚厚嘅蟹膏🦀（我最爱🤤），饭用上左珍珠米口感烟韧🍚。再配上适量嘅沙律酱同腌萝卜，搅拌后一起食口味层次丰富。份量都足够男士都一样够饱。鳗鱼大阪烧 $60本来点左明太子章鱼大阪烧，但章鱼售罄，试吓鳗鱼都唔错。鳗鱼沾上左满满嘅大阪烧酱，比起鳗鱼酱多了一份醋味，和大阪烧非常配合，而且口感Q弹，$60 价钱竟然有鳗鱼食真系好抵。大阪烧有大量椰菜，口感爽口清新。粉浆比较浓稠，口感有少许似文字烧，加上大量嘅大阪烧酱，味道非常丰富。总结：价钱亲民，味道和质素都有水准，系不错嘅外卖选择。下次要试埋佢嘅炒面同蛋盖饭！