影片
更多
2018-01-01
71 浏览
旺角区想锯扒，朋友介绍呢间餐厅俾我。除夕夜，一行五人嚟食，要等位，都等左二十几分钟！店员俾左张咭片我，原来可以订位。听闻呢度最出名系火焰铁板，猪、牛、羊、鸡、鱼都有，我就拣左铁板烧纽西兰肉眼扒餐$112。先系餐汤，红汤或白汤，叫左白汤-甘笋忌廉汤，味道麻麻，好淡甘笋味。餐包系蒜蓉多士，好脆！铁板上枱，先淋上预先调好嘅酒：再点火，呢个时候当然要劲影相呃吓like！等细火少少就淋上「野菌汁」，酱汁有几款，点菜时自己拣！肉眼扒肉质都几松软，好易切。味道有强烈酒味，似系有冧酒，难免遮左啲牛味，不过百零蚊一个火焰铁板餐，算系合格啦。餐饮我拣左即磨咖啡，都唔驶补钱。朋友拣冻柠茶加$3、黑牛加$9、雪糕红豆冰加$11，饮品都几多选择！
听闻呢度最出名系火焰铁板，猪、牛、羊、鸡、鱼都有，我就拣左铁板烧纽西兰肉眼扒餐$112。
先系餐汤，红汤或白汤，叫左白汤-甘笋忌廉汤，味道麻麻，好淡甘笋味。
餐包系蒜蓉多士，好脆！
铁板上枱，先淋上预先调好嘅酒：
再点火，呢个时候当然要劲影相呃吓like！
等细火少少就淋上「野菌汁」，酱汁有几款，点菜时自己拣！肉眼扒肉质都几松软，好易切。味道有强烈酒味，似系有冧酒，难免遮左啲牛味，不过百零蚊一个火焰铁板餐，算系合格啦。
餐饮我拣左即磨咖啡，都唔驶补钱。朋友拣冻柠茶加$3、黑牛加$9、雪糕红豆冰加$11，饮品都几多选择！
张贴
