船長意法日餐廳 (已結業)

秋风起既季节又谂起打边炉啦！打边炉真系食极都唔厌呀！今次又约左几个朋友去元朗试下唔同舖头既火锅放题，上网睇到呢间都好似几好大部分都好评，所以就拣左呢间船长火锅试一试。我地一行四人叫左$198既餐，食美国肥牛加炉端烧。叫左个冬瓜柱贝鸡锅，原件冬瓜上整个锅底都好鲜甜。肥牛任食加出面啲野，而串烧就送一转，另外叫就再加钱。肥牛质素还可以，串烧腌制入味都唔错。食物款式都多样化，有前菜沙律，有熟食，有丸类，有蔬菜类等，比想像中多野食。送海鲜并盘有海虾，鲍鱼，蚬，脆肉鲩鱼片，海鲜都算新鲜。海虾都几爽口，鲍鱼都好弹牙。甜品有奶冻、豆腐花，另外雪糕Haagen-Dazs仲有韩国雪条。