烚時・滾動 (裝修中)

今日去左太子食饭～同事推荐黎烚时.滚动打边炉两个人去打边炉最怕就系冇得拣份量，试唔到多野🥲而呢间就可以拣一份/半份而且价钱合理，岩晒我呢啲样样都试下嘅人👍🏻汤底叫左椰子鸡汤，汤底清甜，鸡件好新鲜食落肉质嫩滑双并饺鲜虾云吞同鱼皮饺都好新鲜，尤其想讲觉得呢度嘅鱼皮饺好好食😂块皮比起一般食到嘅烟韧、口感弹牙广岛蚝只只都大大只而且厚肉～食落鲜甜唔腥，叫一份系冇错嘅🤣油麦菜&莴荀片蔬菜类半份嘅份量都一啲都唔少～两种蔬菜都好新鲜，味道清甜双并滑（蟹籽虾滑+墨鱼滑）全晚MVP一定系呢个双并滑！先讲虾滑，非常爽口弹牙，食得出系真材实料嘅虾滑，唔系落左劲多粉去整果啲👍🏻平时食到嘅墨鱼滑，通常口感都会相对软淋，但呢个墨鱼滑食落系弹牙，出街打边炉真系比较少食到呢个质素，仲要价钱唔贵！温馨提示：双拼滑系放晒系同一枝管度，唔洗以为俾少左😂新鲜炸响铃比起细细旧嘅响铃，我更加钟意呢种长响铃😋响铃食落新鲜，唔会有油膱味，口感松脆！嗌半份真系唔够喉🙈除左食材新鲜，食物质素好之外，呢度嘅店员服务都好好，非常亲切，仲会主动帮手清走汤上嘅浮沫，单系用心嘅服务已经绝对值得再encore🥰