滿堂紅雞煲烤魚特式火鍋 (已結業)

𠮶日去开深水埗整电脑，整电脑个师傅话叫要整两三个钟，咪系喺附近揾嘢食。行行吓发现咗有间鸡煲烤鱼火锅店。望一望个价钱，即刻俾个价钱吸引著，仲要任饮任食添。入到去发现环境好阔落，座位同座位之间分得好开，唔会坐得好迫。汤底有好多选择，仲有鸡煲同烤鱼，鸡煲同烤鱼食完之后，可以点配料打边炉。饮品有好多选择，仲有个位置方啲唔冻，真系细心。等个锅来的时间，可以去攞啲熟食先，款式都唔少，特别推介酸斋，酸味刚刚好，鸭胸都唔错，煎得好香，沙姜鸡脚亦好入味。我地点咗酸菜烤鲩鱼，因为两个人点咗数少边(即系大约半条)，但系都已经觉得条鱼非常大条，条鱼煮好滑一啲腥味都冇，酸菜味道比条鱼同豆卜吸收晒。打边炉点都要食啲肉，肩胛肥牛切到好薄，灼一灼就食得，入口即溶，而黑豚肉片，食落都好嫩滑。任点食物款式有77种，当中竟然发现有花胶，花胶口感一流。食物本身已经好新鲜，仲洗得好干净，一睇个鹅肠就清楚，鹅肠非常爽口。红薯粉同炸鱼皮，红薯粉爽口弹牙，鱼皮炸得好脆，放左落个汤度吸晒个汤啲精华，好够味。仲有任食韩国雪条，仲有好多种味道添，我最钟意蜜瓜味。最后埋单时发现呢个价钱竟然仲要唔使加一，好抵呀。