山見台式火鍋 (雅蘭中心)

营业中

休息中

同老婆去完迪士尼出旺角食晚饭，本来谂住去牛XX，因佢嘅鸭血好滑好好食，同埋好钟意佢嘅特饮。但老婆话有间新开嘅台式火锅放题想试吓，无计啦，家有河东猪，老婆大晒，唯有去试吓啦。本来谂住都系失望居多，但估唔到会有惊喜，呢间嘅鸭血都好滑好好食！而且除左有多款汽水外，仲有2款特饮，桂花乌龙正！去完迪士尼玩得咁开心，梗系要令成个行程有个完美嘅结尾，所以我哋拣左最贵嘅和牛餐。既然俾左最贵餐嘅钱，梗系全程食最贵嘅和牛，唔好蚀嘛。佢哋和牛好滑好有牛味，比牛XX好食好多，无得比！其间都有试过一两碟次一等嘅牛小排同牛爽腩，但都系觉得和牛正d。最有惊喜嘅系佢嘅黑毛猪肉，都好滑，连平时唔会嘥quota食猪肉嘅我都食左3碟！除左出色嘅牛肉外，佢仲有好多款火锅配料可拣。熟食都有好多款，卤水大肠同牛筋好好味！最后甜品时段，佢有多款嘅雪条可选择。试左佢一条三色雪条，但觉得麻麻地，好似药水味。跟住试左条紫米雪条好好食！总结以咁既价钱有咁多款食物，而且食物Quality唔差，绝对值得再encore!!