影片
更多
2017-12-29
56 浏览
呢四个火字，都同朋友研究左好一阵子。究竟点读，最终都系要上网揾答案，仲顺便查埋三个火三个金嘅读音lol。呢间燚火锅位于九龙城，咁我地之前都已经有朋友黎过，今晚凉凉地，就约左几个朋友过黎打边边🤟🏻火锅店地方唔算好大，有七、八张枱，主打海鲜、刺身、靓牛、手打丸。汤底本身有十几款可以选择，我地今晚拣左胡椒猪肚鸡(半只)，贪大家本身都钟意饮呢个胡椒猪肚汤，饮完暖身👍🏻酸菜酸度很足，胡椒又辣辣地，加上鸡件俾足半只，仲要大只果只，饮完汤有鸡食，呢个汤底148都几抵。另外叫左碟本地手切牛(大)，牛肉卖相唔错，油花纹理都好清晰，食落又腍又滑。略嫌牛味争少少，但以呢个价钱，都系抵食。呢度本身有个主打嘅海鲜set，今日我地就冇试到，有机会可以试，因为睇落都好抵，有5款海鲜都系98蚊位。另外我觉得佢地嘅手打丸系列，都好出色。有四款口味可以加10蚊点：白松露、黑松露、麦提沙、芝士。咁我地就拣墨鱼丸配麦提沙、虾丸配芝士。麦提沙入馔，糯米糍就听过，所以觉得好特别。墨鱼丸好弹牙，一口咬落麦提沙都有爆出黎，食落系甜嘅，可以接受👌🏻芝士虾丸就好多地方都有，但呢间嘅芝士系成条必出黎，比较杰身，所以芝士味真系好浓，好食。虾
火锅店地方唔算好大，有七、八张枱，主打海鲜、刺身、靓牛、手打丸。汤底本身有十几款可以选择，我地今晚拣左胡椒猪肚鸡(半只)，贪大家本身都钟意饮呢个胡椒猪肚汤，饮完暖身👍🏻酸菜酸度很足，胡椒又辣辣地，加上鸡件俾足半只，仲要大只果只，饮完汤有鸡食，呢个汤底148都几抵。
另外叫左碟本地手切牛(大)，牛肉卖相唔错，油花纹理都好清晰，食落又腍又滑。略嫌牛味争少少，但以呢个价钱，都系抵食。
呢度本身有个主打嘅海鲜set，今日我地就冇试到，有机会可以试，因为睇落都好抵，有5款海鲜都系98蚊位。
另外我觉得佢地嘅手打丸系列，都好出色。有四款口味可以加10蚊点：白松露、黑松露、麦提沙、芝士。
咁我地就拣墨鱼丸配麦提沙、虾丸配芝士。麦提沙入馔，糯米糍就听过，所以觉得好特别。墨鱼丸好弹牙，一口咬落麦提沙都有爆出黎，食落系甜嘅，可以接受👌🏻
芝士虾丸就好多地方都有，但呢间嘅芝士系成条必出黎，比较杰身，所以芝士味真系好浓，好食。虾丸都好足料，因为食落好弹牙，又够新鲜。
粟米饺个人认为都可以介绍下，都几大粒，里面系猪肉、粟米，猪肉肥瘦半半，几鲜味👍🏻可能我自己都几钟意食粟米饺，我觉得可以试下啊，店员话系新鲜包起嘅呢。
其他例如潮洲鱼蛋、响铃、菜等，都系正常水准。菜都几新鲜。整体黎讲，今晚每人两旧几水，都值得回头。
张贴
