漁一海鮮火鍋料理 (已搬遷) 新店位置

今日同朋友放学之后去左尖沙咀行街买夏季衫，行完k11之后觉得有啲攰又有啲饿就睇下附近有咩食。朋友推荐附近有间新开嘅火锅好抵食，网上bk位仲有最高65折！我地即刻bk位行多阵再上去食。秘制麻辣锅。餐厅系食海鲜为主，但男朋友最近唔太好海鲜，所以我地就叫左麻辣锅。汤底面好似好红，但滚起左就会见到下面啲汤。汤底入口小辣小麻，就算唔太食辣嘅人都可以叫。嫩鸭血。鸭血系食辣野必叫嘅菜，佢嘅鸭血有台湾鸭血嘅feel，一份有6块仲好厚萝卜。萝卜系我最爱嘅蔬菜之一，啲到嘅萝卜无根易入口，吸埋辣汤底嘅精华仲好味。美国桶蚝。桶蚝有6只，只只都手掌咁大只阿！入口肉质肥美，好滑身完全无腥味。脆鲩骨片。脆鲩系每次边炉都必叫嘅菜！上台都算大份，师傅都切得好大块，但渌完之后会缩左水得返3分1。脆鲩片好爽口，爽得黎又唔会好干，食到好香嘅鱼油香，好好味。