韓舍 (已結業)

今晚收工又约同事一齐来韩舍，最喜欢仼饮仼食，我地叫左惹味花胶鸡煲，原先仲谂住系用花胶仔添，估唔到花胶好厚仲好淋，连同鸡件、洋葱亦吸收左花椒八角香味，非常入味。基本上食物纸大部分都点左，我最喜欢牛颈脊、生蚝、鲩鱼腩，新鲜好味！而自助bar亦有大量食物提供，熟食区、蔬菜类、丸类、海鲜、沙律、生果、甜品，种类非常多，岩晒不同口味！另外还有自制章鱼烧、炒肠粉、炒雪糕机，自己控制份量，按个人喜好加入配料，系几好玩几特别既！除了食物，饮品选择都好多，十几款无酒精饮品，几款啤酒，竟然仲有清酒，食得饱饱地，饮返两杯真系好爽！