渝味曉宇重慶老火鍋 (聚賢逸居) (已結業)

今日下午一点去咗我朋友屋企探佢 佢话附近有间火锅店好好食我哋就 落咗去打边炉 入到去环境好清幽 枱与台之间有一定距离。 打开 menu, 佢有唔同汤底可以选择，有辣有唔辣，任君选择。我哋叫咗一个蕃茄汤底，同一个大补肉骨汤底。 两个汤底味道多好浓郁好好食。黎得打边炉梗系叫佢嘅雪花肥牛，我哋叫咗半份雪花肥牛，好香牛味。叫咗佢嘅莴笋片，莴笋切到好薄，食落好入味。另外叫咗佢嘅包心丸咬落去佢嘅汁会爆出嚟好好食。叫咗佢嘅红薯粉，好得意佢系一片片片状，煮完之后烟靭靭，好得意。另外叫咗佢嘅红糖糍粑， 糯米糍俾脆脆嘅红糖包围外脆内软十分好食。因为好颈渴所以我亦都叫咗佢嘅落神花茶，洛神花茶酸酸甜甜好解渴。个人觉得佢嘅性价比好高，好值得食。 如果下次上打边炉会再试。