西塔老太太烤肉

营业中

休息中

今日嚟到呢度食韩式烧烤餐厅嘅环境设计简约干净，营造出舒适嘅气氛。枱与枱之间嘅距离恰到好处，提供咗足够嘅私人空间。适逢佢哋有周年庆祝二人餐，就叫咗佢哋嘅二人套餐啦。叫完个二人餐冇几耐，店员就已经已经送上开胃小菜同酱汁。酱汁种类非常之多，有孜然粉，辣酱，花生芝麻秘制酱汁，烧肉酱等。首先嚟嘅就系牛肉海带汤，一上场就滚住咁样上枱，如果冬天嚟真系好正，热辣辣，暖笠笠。饮完汤之后，啲新鲜嘅牛肉鸡肉食材就已经铺满成张枱。餐厅主打韩式烤肉，肉质鲜嫩，选择多样，烤完之后香气四溢，肉汁丰富。酱料亦相当出色，特别系他们自家制嘅花生芝麻酱 ，咸香浓郁，完美提升咗肉嘅味道。餐厅仲提供多款小菜，例如萝卜泡菜，薯蓉，沙律，蒜头同生菜。由于我哋好钟意将啲肉夹住啲生菜嚟食，食完啲生菜，店员都会帮我哋refill。服务方面，店员亲切友善，会细心介绍每款肉类嘅最佳烤法，亦会帮忙照顾烤炉嘅火候，仲会不时帮我哋换下个烤网同斟茶。总括而言，呢间烤肉餐厅环境干净，食物份量足，两个人就啱啱好啦。喺尖沙咀同朋友食饭，又可以多一个选择。