七月烤魚 (已結業)

永遠一有未試過既餐廳，就會好想即刻試，今次就去咗新都城嘅七月烤魚，嗌咗佢嘅二人餐，真係超抵食首先前菜有 〈芥末涼拌秋葵〉🥗秋葵好爽口，而且少少芥末辣味更加開胃。〈蒜蓉燒生蠔2隻〉🦪生蠔好大隻，加埋蒜蓉燒更加帶出佢嘅鮮味。再可以揀四款串燒，我哋就揀咗以下四款〈燒雞軟骨串〉🐤🦴〈燒韭菜〉🥬〈燒雞腎〉🐥〈燒玉米〉🌽餐廳專登有個火爐熱住啲串燒，所以可以keep住熱辣辣。雞軟骨同雞腎都好爽口，燒韭菜加埋啲辣粉好惹味，粟米亦都好甜。〈海鱸魚 藤椒青椒口味〉🐠🫑之後就嚟到今日嘅主角，就梗係烤魚啦，我哋揀咗海鱸魚，口味就揀咗佢推介嘅藤椒青椒口味(小辣)。海鱸魚魚肉好滑溜，而且冇細骨，可以大大啖食魚肉。湯底配有青椒味道感覺會比較清新，再加上少少辣味吊味，好容易就食晒成條魚。之後我哋再加咗〈娃娃菜〉＋〈魚豆腐〉，魚豆腐好彈牙，而娃娃菜可以吸晒湯底嘅味，入哂味好濃味。〈冰粉〉🍧最後甜品有冰粉解番辣，成個人好涼快。〈爆珠芒果乳酸茉莉綠茶〉🥭〈爆珠草莓番石榴乳酸蘇打〉🍓我哋半價加錢加咗兩款特飲，兩杯嘅水果味都好濃味，而且配有爆珠好有口感，而且甜度適中解辣一流。