七月烤魚 (已結業)

永远一有未试过既餐厅，就会好想即刻试，今次就去咗新都城嘅七月烤鱼，嗌咗佢嘅二人餐，真系超抵食首先前菜有 〈芥末凉拌秋葵〉🥗秋葵好爽口，而且少少芥末辣味更加开胃。〈蒜蓉烧生蚝2只〉🦪生蚝好大只，加埋蒜蓉烧更加带出佢嘅鲜味。再可以拣四款串烧，我哋就拣咗以下四款〈烧鸡软骨串〉🐤🦴〈烧韭菜〉🥬〈烧鸡肾〉🐥〈烧玉米〉🌽餐厅专登有个火炉热住啲串烧，所以可以keep住热辣辣。鸡软骨同鸡肾都好爽口，烧韭菜加埋啲辣粉好惹味，粟米亦都好甜。〈海鲈鱼 藤椒青椒口味〉🐠🫑之后就嚟到今日嘅主角，就梗系烤鱼啦，我哋拣咗海鲈鱼，口味就拣咗佢推介嘅藤椒青椒口味(小辣)。海鲈鱼鱼肉好滑溜，而且冇细骨，可以大大啖食鱼肉。汤底配有青椒味道感觉会比较清新，再加上少少辣味吊味，好容易就食晒成条鱼。之后我哋再加咗〈娃娃菜〉＋〈鱼豆腐〉，鱼豆腐好弹牙，而娃娃菜可以吸晒汤底嘅味，入哂味好浓味。〈冰粉〉🍧最后甜品有冰粉解番辣，成个人好凉快。〈爆珠芒果乳酸茉莉绿茶〉🥭〈爆珠草莓番石榴乳酸苏打〉🍓我哋半价加钱加咗两款特饮，两杯嘅水果味都好浓味，而且配有爆珠好有口感，而且甜度适中解辣一流。