嚐味 (已結業)

今日去完花墟，经过尝味见有晚市任食仼饮火锅，价格仲够晒吸引，加$68蚊仲有原味葱烧烤鱼。大食嘅肥仔觉得好吸引，一于试试佢。🐠🐠点酱台同饮品柜十多款酱料同埋汽水任拣任攞，好多选择，差啲有选择困难症。🐠🐠原味葱烧烤鱼条鱼被经过精心处理后烤至啱啱好熟透，外皮香脆可口，保留咗原汁原味，鱼肉香气十足。除咗味道鲜美之外，肉质都柔软却不失弹性，一咬就感受到鱼肉嘅鲜甜同鲜嫩，令人欲罢不能。汤头都好值得一提，炸蒜同三香椒味道和香气令人难以抗拒。蒜蓉味道经过熬煮后与鱼充分融合，令食材鲜甜更为突出，汤底充满层次感，令成道菜品更加丰富同鲜美，回味无穷！🐠🐠椰子鸡火锅食完烤鱼之后就会上椰子鸡煲。汤底清澈，一解头先烤鱼嘅重口味。火锅配料有好多选择，肥牛青口丸类蔬菜，任君选择，食到肚都大！总结，以呢个亲民价钱嚟讲，放题食物选择多，质素亦不错，香港抵食之选！