景霖正宗四川麻辣米線 (已搬遷) 新店位置

呢间景霖米线其实都开左一段日子喇﹐但最近先第一次帮衬过。米线有好多配料选择﹐如牛猪鸡肉﹑腩肉﹑丸类﹑炸酱﹑冬菇红肠等﹐其实就似车仔面﹐不过就改为米线底吧。净食一种就$17﹐两种配料$20﹐三种$23﹐四种都只系$26﹐亦可要求加大中小麻辣﹐都算抵食。我试左个炸酱米线加小麻辣﹐米线面质唔错﹐都几好味﹐而呢间店的炸酱其实系似免治猪肉碎一类的炸酱﹐并非真系以酱为主﹐不过味道唔错﹐连同米线捞匀﹐成碗米线都变得香口﹐但就好似食净米线。建议炸酱可以配其它配料﹐食落较丰富。另外呢间店有烤鸡中翼﹐有香草味同麻辣味选择﹐$18/6只﹐我试左麻辣味﹐虽然麻辣味不够﹐但都烤得几好﹐作为小食一流。好似系可以两款味双拼的﹐不妨一试。仲有沙嗲串烧﹐不过已经食唔落﹐所以无食﹐下次食过再向各位报告。总而言之﹐呢间米线都算几抵食﹐我食左$35(少麻辣炸酱米线+6只鸡翼)﹐已经饱晒。不过我食完都唔知呢?同四川有咩直接关系﹐麻辣又唔算麻辣﹐炸酱亦唔似系四川做法﹐其它红肠呀牛丸呀串烧沙嗲更加同四川无关。最多只系个米线算系吧﹖不过无论如何﹐只当呢间系一间专卖四川米线的车仔面档﹐就包你食得开心。