影片
更多
2022-12-02
484 浏览
平时经开深水埗呢间石磨肠粉都想试下，今日老公突然话想食肠粉，我就即时谂起呢间舖可以试下。 呢间舖唔算好大，有几张台仔，不过食饭时间都好多人坐爆晒，唯有外卖啦。 呢度个厨房系开放式，可以睇到入面嘅情况，环境都好干净卫生，职员都会戴手套。肠粉真系石磨㗎，见到有部石磨机即场磨完再即刻蒸，保证新鲜热辣辣。用纯米磨成浆，绝无添加制成👍。 肠粉都有几款，今次拣嘅系牛肉蛋肠粉，馅料都几多，肠粉都算滑，牛肉新鲜嫩滑。 除咗肠粉之外，都有啲饭面等，方便午饭时可以买饭盒。见好多人食路边炒米粉，我都唔输蚀。老公就拣咗个秘制牛筋膜腩饭。路边炒米粉材料好多，有蛋、甘笋丝🥕、椰菜丝、肉丝，炒得好够镬气，而且唔会太油腻。牛筋膜腩饭虽然唔系好多牛腩，但系胜咗够稔够入味，仲要加咗少少指天椒，辣得过瘾，送饭一流🤤。 以上食物奉送豆浆，啲豆浆系自家磨制，热嘅，豆味香浓，最重要无咩糖，啱晒追求健康人士，肠粉配豆浆，perfect呀😋！
平时经开深水埗呢间石磨肠粉都想试下，今日老公突然话想食肠粉，我就即时谂起呢间舖可以试下。
呢间舖唔算好大，有几张台仔，不过食饭时间都好多人坐爆晒，唯有外卖啦。
呢度个厨房系开放式，可以睇到入面嘅情况，环境都好干净卫生，职员都会戴手套。肠粉真系石磨㗎，见到有部石磨机即场磨完再即刻蒸，保证新鲜热辣辣。用纯米磨成浆，绝无添加制成👍。
肠粉都有几款，今次拣嘅系牛肉蛋肠粉，馅料都几多，肠粉都算滑，牛肉新鲜嫩滑。
除咗肠粉之外，都有啲饭面等，方便午饭时可以买饭盒。见好多人食路边炒米粉，我都唔输蚀。老公就拣咗个秘制牛筋膜腩饭。路边炒米粉材料好多，有蛋、甘笋丝🥕、椰菜丝、肉丝，炒得好够镬气，而且唔会太油腻。牛筋膜腩饭虽然唔系好多牛腩，但系胜咗够稔够入味，仲要加咗少少指天椒，辣得过瘾，送饭一流🤤。
以上食物奉送豆浆，啲豆浆系自家磨制，热嘅，豆味香浓，最重要无咩糖，啱晒追求健康人士，肠粉配豆浆，perfect呀😋！
张贴
