影片
更多
2008-12-21
33 浏览
经济低迷，百物仍然腾贵，样样嘢都想悭番啲，但系食就好难悭！好多食肆唔敢加价但系就将货就价，唔系用料平啲就系出品细碟啲，要有番咁上下质素嘅又似乎真系贵咗，又平又正又抵食嘅食店究竟仲有几多？等我嚟推介一下呢间食店比各位街坊，佢系我食晏嘅首选，$25 煲仔饭餐包中或西汤连热饮，冻饮就加一蚊！味道食咁多次冇一次话唔掂嘅！咁啱呢个星期成个礼拜都咁冻，我就日日下昼都喺佢度食煲仔饭，贪佢够晒暖，一次过介绍佢啲煲仔饭，汤同埋饮品 ： 双鱿肉粒煲仔饭：双鱿即系新鲜鱿鱼同埋晒干咗嘅鱿鱼(俗称吊片)，鲜鱿鱼似系新鲜货色，味道鲜美，肉质够爽又弹牙；吊片就香味浓郁有嚼劲！猪肉切丁粒粒好饱满，肉味浓亦有肉汁，衬埋佢个自制带甜味嘅煲仔饭鼓油就好好味嘞！ 唔够鼓油嘅话只要出声就多多都有！ 北菇滑鸡煲仔饭：呢个饭款可能普通啲，但食落竟然有惊喜㖞！ 好似发哥话斋，冰鲜鸡整得好都可以好好味，呢个蒸饭就体现咗佢嘅说话嘞！啲鸡真系好嫩滑好稔又入味，北菇仲散发淡淡香味！不过最美中不足嘅系佢今日煲仔饭卖得太快，啲煲又洗唔切，尾段用锡纸盆代替，啲饭比较快冻，影响咗风味！ 南北杏红萝卜雪耳煲猪骨：虽然系例汤，不过都煲得几认真！ 汤
经济低迷，百物仍然腾贵，样样嘢都想悭番啲，但系食就好难悭！好多食肆唔敢加价但系就将货就价，唔系用料平啲就系出品细碟啲，要有番咁上下质素嘅又似乎真系贵咗，又平又正又抵食嘅食店究竟仲有几多？等我嚟推介一下呢间食店比各位街坊，佢系我食晏嘅首选，$25 煲仔饭餐包中或西汤连热饮，冻饮就加一蚊！味道食咁多次冇一次话唔掂嘅！咁啱呢个星期成个礼拜都咁冻，我就日日下昼都喺佢度食煲仔饭，贪佢够晒暖，一次过介绍佢啲煲仔饭，汤同埋饮品 ：
双鱿肉粒煲仔饭：双鱿即系新鲜鱿鱼同埋晒干咗嘅鱿鱼(俗称吊片)，鲜鱿鱼似系新鲜货色，味道鲜美，肉质够爽又弹牙；吊片就香味浓郁有嚼劲！猪肉切丁粒粒好饱满，肉味浓亦有肉汁，衬埋佢个自制带甜味嘅煲仔饭鼓油就好好味嘞！ 唔够鼓油嘅话只要出声就多多都有！
北菇滑鸡煲仔饭：呢个饭款可能普通啲，但食落竟然有惊喜㖞！ 好似发哥话斋，冰鲜鸡整得好都可以好好味，呢个蒸饭就体现咗佢嘅说话嘞！啲鸡真系好嫩滑好稔又入味，北菇仲散发淡淡香味！不过最美中不足嘅系佢今日煲仔饭卖得太快，啲煲又洗唔切，尾段用锡纸盆代替，啲饭比较快冻，影响咗风味！
南北杏红萝卜雪耳煲猪骨：虽然系例汤，不过都煲得几认真！ 汤料够多亦煲得够老火，连嚿汤骨、红萝卜同雪耳都好好味，算系几有心嘅例汤！
青红萝卜煲猪骨：同南北杏红萝卜雪耳煲猪骨嘅味道不相伯仲，青红萝卜又系煲到稔晒，猪骨味好浓，真系一碗好汤！
热咖啡：够香够浓，正！
虽然呢间食店系一般小菜舖头格局，入面放咗好多张大圆枱，但日日下昼都好爆，阿姐有五六个人比同区大小相约嘅食店多，但都系做到踢晒脚，不过个个都有笑容，又好认得人，一入嚟就会话比你听仲有乜嘢煲仔饭未卖晒，或者今日有啲乜嘢新例汤，你想嘅话，碗例汤仲可以要面碗咁大，实在好有人情味！
张贴
