新豐記

营业中

休息中

上次介绍完北菇滑鸡煲仔饭同双鱿肉粒煲仔饭，今次继续介绍另外两个煲仔饭，一款汤同埋饮品： 咸鱼肉饼饭：佢嘅肉饼属粗身派别中嘅肉饼，肥肉瘦肉配合得几好，亦剁得几有靱劲，所以块肉饼切开就有好多肉汁，流晒落啲饭度真系几正！最惊喜系嚿实肉咸鱼，成块上，好抵食！ 呢嚿咸鱼当然唔会系一级货色，但胜在咸香有余，捣碎嚟捞饭，个饭就会变得好精彩嘞！ 银鱼仔肉饼饭： 粗身肉饼又系佢一贯肉汁满溢嘅美味，银鱼仔细细条，但系就好香，脆脆地，送饭一流！当然唔少得加番啲佢个自制煲仔饭鼓油啦！呢个饭系我认为呢度最好食嘅煲仔饭，唔系日日都可以食到，我食咁多次都系见过佢个名上菜牌上一次咋！ 罗宋汤：呢度嘅午市套餐，除咗日日唔同嘅中式老火汤外，仲有罗宋汤！佢嘅罗宋汤同中汤一样咁多汤料，蔬菜味好浓郁，不过茄膏味都好重，搞到有少少封喉嘅感觉，如果拣意粉或者西式饭可能会好啲，不过配中式饭就麻麻地嘞！ 冻咖啡：好大杯，味道都好浓，饮到尾味道都冇乜点淡，唔错！南北杏红萝卜雪耳煲猪骨同热咖啡已介绍过，就不作谈论了！嚟新丰记食饭，除咗可以拣室内嘅座位，趁午饭时间睇吓电视之外，舖头门外亦有数张枱可供选择，仲有太阳伞，一啲都唔晒！虽然比唔上一