快靚正燒味粉麵茶餐廳 (已結業)

今日放平日，朋友就约我一齐去睇电脑，当然电脑梗系买到啦， 同朋友一齐往西九龙方向出发。本身谂住食西九龙中心，点知畀我发现有间烧味好似好抵食， 原来朋友一早买过，唔使谂，买啲今晚加𩠌。我就嗌咗烧腩仔， 本身谂住叫乳猪食，好可惜原来已经卖晒，朋友话佢乳猪值得一试。今次我就无缘份梗系试下烧腩仔，烧腩仔外皮够晒松脆，当然肉汁满载。 冇谂过性价比咁高，松脆嘅外皮，充满肉汁嘅猪肉，加上肥瘦分明， 每一啖都充满意义。 另外，我更加见到乳鸽只系50蚊一只， 点解平时喺街度卖到咁贵， 当然都买咗一只试一试，卤水乳鸽够晒入味，但系肉质依然鲜嫩，如果我住深水埗一定日日去。下次去深水埗，又有新地方，一定要再去。