燒味滷師 (成城大廈)

营业中

休息中

估唔到一间小小嘅外卖烧味店都咁受欢迎，不过都唔系排咗好耐队，等外卖嘅时候有位婆婆想要只乳猪，可惜卖晒，见到婆婆失落果个样相信只乳猪应该好好食，有机会嘅话一定要试吓！提提大家乳猪系要预订嘅！至尊烧鹅：烧鹅唔算太肥，咬落去啲肉汁油爆晒出嚟！烧味佬叉烧(半斤)：厚切蜜汁叉烧，非常之厚，超级多汁每一旧都有浓厚啲蜜汁包围住，咬落去啲蜜汁爆晒出嚟，极浓蜜汁甜味，叉烧唔会鞋半肥瘦啱啱好！沙姜盐焗鸡(半只)：鸡唔会太肥又唔会太瘦，首先唔点任何酱汁已经好好味，浓浓鸡味！有两种酱汁，沙姜同葱油，可以净点是但一个又可以点晒两个，简直绝配！海蜇拼泰式凤爪：份量都几多，唔会太辣非常爽口！