鳴橋燒肉料理 (已結業)

今日去咗鸣桥烧肉放题，地点果然系就脚㖞，我哋一行四人，本来谂住喺九点前入座就＄178点知个朋友迟咗＄208冇计啦加少少钱，同埋𠮶度如果升级就加＄40仲可以食到带子、牛肋骨、马刀贝刺身，特大帆立贝同埋再加海虾，冇计想食好野要加少少钱果然不出所料，我劲钟意食马刀贝刺身，嗌左差唔多10转，食完刺身就梗系开始食烧肉啦。啲嘢系任点梗系样样都食啲，一口黄牛粒，同埋盐烧牛肋骨盐烧牛都系必点嘅，喺度食烧肉好唔同，因为佢会加张纸系底搞到𠮶啲烧肉唔会窿底，因为每次食都好快会烧到窿晒，今次食就冇呢个问题最钟意食嘅鸡软骨真系好入味㖞，其实其他啲肉类都好新鲜，不过我就个人推介海鲜，帆立贝系几好食再加埋劲大只嘅海虾，𠮶＄40真系抵比。我哋都有饮汤架，不过啲汤好似麻麻哋。天妇罗都唔差架，仲有我最钟意食嘅一口番薯，真系劲甜同埋劲脆。最后我哋梗系有叫甜品，有几款雪糕有芝麻味同埋绿茶，仲有雪米池添，不过你又唔好期望佢太好食都系平常7-11买到𠮶啲雪糕咁。