校長燒肉日韓料理 (沙咀道) (已結業)

校长烧肉120分钟放题真系好抵食，仲要假日去，7点前离座每人都系 $178，一边烧烤，边打边炉真系满足哂2个愿望。环境大，坐得舒适自助区选择多。有烧烤配料、打边炉配料、仲有刺身、寿司、点心、炸物、热食、粉面、沙律、甜品、饮品，仲有好多款酱料选择烧肉类都好多选择，鸡牛猪好多款唔同选择，连鱼柳都有得烧，仲唔怕黐底添。饮品除咗雪柜内嘅冻饮外，仲有热柜及多款花茶类选择，真系睇到花多眼乱打边炉有3款汤底选择，包括日式猪骨汤、四川麻辣汤及寿喜烧汤，总有一款啱你心水，拣好心水汤底，攞个煲放汤就搞点。打边炉配料有多款肉类、丸类、蔬菜类及各款肠仔选择今日有炖汤有节瓜粟米红萝卜瘦肉汤，另外仲有5款点心比你拣：包括有叉烧包、虾饺、烧卖、牛肉球及珍珠鸡。隔离仲有个寿司柜，有几款寿司选择。每人每次可以攞三款刺身，三文鱼仲系厚切添，鲜甜肥美好多款甜品选择，冻柜内净系杯装甜品都有9款口味选择，仲比我见到有榴梿布甸及自助唧雪糕机，今日系朱古力味雪糕，食完更透心凉