鳴橋燒肉料理 (已結業)

好耐冇食烧肉啦，今次拣嘅呢间舖面唔算大，但每张枱都好大，张枱有好多空位俾我地放食物。我地6点半前到只系$188，好抵食，我地加左$40升级放题，有大虎虾、帆立贝、牛肋肉等等任食。我地首先嗌左刺身先，有三文鱼、带子同鲍片，唔算厚切，但都几新鲜嫁，我地都嗌左两次。肉类方面我地主要拣左一口和牛、盐烧牛舌、秘制牛柳条等。一口和牛几浓牛味，而且几稔，我地encore左几次👍因为升级左，我地都嗌左几次大虎虾、带子同青口，有牛油喺上面嫁，烧起上黎好香。虎虾同带子都几大只，好食。食得肉多，我地都嗌左蔬菜消一消滞，特别要提嘅系粟米，粟米好甜好爽，超好味。