富華冰室 (已結業)

同事介绍呢间茶餐厅既烧味四宝饭又抵又好食，正过太兴，一于试一试，所以12.30 就黎到，唔使等位，入到里面都差不多座无虚席，要食真系趁早呢！午餐有烧鹅四宝，$58 仲可以拣米粉或者饭，四宝仲要唔系红肠，而系叉烧、油鸡，份量仲好足，啖啖肉，唔会得丁丁咁少。质素都好好，烧鹅好香，油脂丰富，连皮食鹅香澎湃，满口余香。叉烧厚切，外带蜜味，美中不足系偏咸，如果稍稍中和咸味会更好。油鸡同咸蛋都正常，以呢个价钱食呢个质素真系直得推荐。