都匯漁港

营业中

休息中

冬天一定要食羊腩煲，呢个冬季剩系食过妈咪整嘅羊腩煲。上次饮茶睇到餐牌见到呢间酒楼堂食羊腩煲好抵，今次就嚟食晚饭菜。一坐低即刻点羊腩煲点知卖晒，原来一日只有几煲。最后点咗几个小菜，味道都可以呀，价钱都好公道。皇子片皮鸭，呢度嘅片皮鸭好啱我，起出嚟嘅皮只会带少少肉。好地方嘅片皮鸭系会连肉起，虽然会无咁肥腻，但系我食片皮鸭系享受油脂喺口嘅感觉，而且连皮切会有啲鞋。孖宝餐：酱皇脆皮烧鸡(半只)，清蒸生猛海斑(约1斤)鸡肉都算嫩，鸡胸唔会鞋到食唔到，个味都ok。清蒸生猛海斑，鱼肉新鱼嫩滑。黄金流沙脆鳝球，咸蛋黄同鳝同样吸引，好钟意食鳝嘅我未试过咁嘅做法。脆浆摆放一段时间仲保持住脆口，不过咸蛋黄酱汁太少，只喺碟底有少少，朋友话食唔出系鳝，咁嘅做法可能有少少浪费。鳝球系新鳝嘅，所以我觉得都系好食。