岩盤牛扒ミディアムレア ステーキ (Greenery Plaza ) (已結業)

今日同朋友去食呢间专食铁板牛扒既餐厅叫medium rare，佢既特别之处系可以自己拣牛扒既份量，有三种部位可以拣，分别系肉眼，牛柳同埋西冷，由300g起。牛扒可以拣唔同既酱汁，分别系葱油，洋葱油同蒜油,另外可以加配套餐。咁我地就拣左400g左右既肉眼同牛柳配蒜油再升级套餐.餐厅环境偏向日式,位置都几舒服.等左一阵就有得食。食呢类型铁板牛扒最怕就系块铁板唔够热，佢地既铁板就好够热，牛扒表面好香脆, 上面有少少蒜片,加埋一齐食唔洗酱汁都好好食。块牛柳真系值得一赞，肉质好tender，好有牛肉味。呢个份量都系140蚊，钟意食牛肉既真系要试下！