牛極 (雅怡居)

营业中

休息中

疫情期间及餐厅防疫新措施实施之后，每个客人之间距离要相隔1.5米，入店前要量体温。 今日相对平时嚟讲， 算系少咗人， 已经食咗好多次牛极啦， 最钟意系佢畀人白饭任加， 牛肉汤任斟， 沙律任添， 自助酱料任你试。牛柳肉 200g点菜等咗三分钟左右 ，就有得食啦 ，同样地上菜嘅时候大概1成熟， 牛柳肉比较少肥肉， 容易咀嚼， 吞噬， 比较少筋， 一嚿牛柳大大嚿仲要系厚切完全冇呃秤， 切开晒之后可以铺满晒成个石板上， 煮紧嘅时候肉汁慢慢渗出嚟。牛肩扒 180g牛肩肉比较 牛柳肉硬少少， 搭配埋炒香咗嘅蒜片味道好夹， 食牛肩肉最好食啲定系加买海上嘅腌料调味， 以及冷盘椰菜沙律更有口感， 简单讲两种食法， 两种牛肉， 都值得一试。推介， yummy....今日嘅牛肉汤比平日更加浓沃， 牛肉材料好丰富， 大量红萝卜等配菜， 每次都要饮最少两碗先够喉。牛极嘅白饭有样嘢几特别， 可以keep住保温加热，但珍珠米嘅口感亦都可以保留住， 好欣赏。平日都会keep住继续过嚟光顾，太抵食啦。