古早牛肉麵 (已結業)

夏日炎炎，冇乜胃口，简简单单食碗面最好😋上次夜晚5个人去食要等30分钟左右，今次2个人去食等一阵就有位。牛筋同牛肉焖得好稔好入味，一啲渣都冇，扁面好弹牙，而且份量十足🤤汤底浓郁，微微微辣，食𠮶阵唔觉得好咸，但夜啲有啲口渴😐生菜挂住汤汁好好味，相比之下萝卜显得逊色，唔入味之余仲有啲苦😢大杯柠檬爱玉原价$22，跟面配饮品可以减$4。小店冇得同主打柠檬嘅连锁店比，爱玉份量偏少，就系一杯普通嘅柠檬汁加一粒粒嘅爱玉。拣咗微糖，好在口感都几清爽。食完面饮都几舒服。