牛極 (大河道) (已結業)

其實呢我經常經過呢一間牛極，都開咗半年一年啦。但係呢一路呢都未入去試過。因為身為一個食肉獸，經常性去西餐廳食嗰陣會嗌下排，但係通常唔係過老呢，咁就完全冇曬肉味。真係大大出乎意料。佢啲肉超級靚。我叫咗一個牛肩扒同一個牛柳。個牛肩扒上嚟嗰陣仲咋咋聲係完美嘅一成熟。就咁一成熟咁去食已經係超級好味，係唔會有血水出嚟架。封一封邊等到三四成就更加一流。彈牙唔韌又唔老，又有牛肉特有嘅香味，比起外面同等價錢嘅牛扒超出唔知幾多。鍾意食肉嘅人，咁高嘅成價比，你都應該係一試。呢個質素係二百蚊左右先食到。