金滿都越南餐廳 (已結業)

经过开黄大仙，见好耐冇食过越南野，就谂住入嚟试下。位处现崇山商场内，大部分食肆都系做街坊生意，人流唔多就唔洗等位。餐牌选择种类多，有晚市套餐，又有特色小食、推介菜色。小食并盘有三款小食，每人一旧好滋味。粉包小食，热腾腾试上碟，透薄粉皮包著猪肉、木耳等多种馅料，味道属水准之上。蔗虾同春卷都系即炸，春卷香酥松脆，蔗虾虾胶弹牙。烤羊架连锡纸包住香茅上碟，香茅味四溢，羊架厚肉有嚼劲。生熟牛肉河份量足，牛骨汤底味道清甜，带有浓郁的牛味，配料和汤底一下子被我全吃光，值得推介👍🏻椰汁紫米露，紫米烟韧冇过甜，加埋粟米增加口感。呢度无论系一支公、两口子，定一大班人，都适合嚟食。价钱相宜选择又多，环境阔落清静，多d人叫多几个套餐share嚟食够哂抵玩。