哈比斯燒肉串和咖哩 (鴻圖中心)

营业中

休息中

鸿图中心地下有好多小店，其中呢间主打中东印度菜嘅哈比斯烧肉串和咖喱，好味正宗而且价钱相宜。店舖由外籍店员主理，菜式选择都唔少，有kebab、咖喱、Pizza、沙律、印度炒饭同埋肉串等等。仲有每日套餐，$55包含一款主食，薯条同埋饮品，真系好鬼抵食！kebab gyroz (roast chicken) $68即是旋转烤鸡卷，饼皮入边有惹味嘅切碎烤鸡肉、蕃茄、洋葱、生菜配搭沙律酱，仲可以自己添加其他酱料。kebab 卷份量都唔细～充满土耳其风味，吖，好想去旅行呀！餐厅旁边就有堂食嘅座位，想堂食又得外卖都得，叫完嘢食之后佢会有个嘟嘟机，通知你去攞餐，好方便。